Për të dytën ditë rresht, në Graçanicë është mbajtur protestë si përkrahje për shtatë të arrestuarit për rrahjen e djalit të politikanit Nenad Rashiq, Nikolës.
Protesta u organizua sot në mesditë nga rreth 50 të nxënës serbë. Një natë më parë, protestë organizuan edhe familjarët e të arrestuarve. Të dy protestat janë mbajtur para stacionit policor në këtë qytet, ka bërë të ditur RadioKIM.
Në protesta u kërkua lirimi i të arrestuarve. Familjarët thanë se bëhet fjalë për një rrahje të zakonshme që ndodh në çdo komunitet, duke hedhur poshtë idenë se ajo është nxitur nga politika.
Të hënën, dhjetëra të rinj serbë rrahën djalin e politikanit Rashiq në oborrin e shkollës në Llapnasellë.
Prokuroria ka njoftuar se viktima ka pësuar lëndime të rënda. Babai i viktimës e ka lidhur incidentin me politikë, ndërkohë që ka akuzuar Listën Serbe dhe Beogradin për nxitje dhe tensionim të situatës.
-
Kosova merr masa pas trysnisë së Beogradit në votuesit serbë
-
Protestë në Graçanicë pas arrestimit të zyrtarëve që kërcënuan votuesit
-
Pesë të arrestuar për kërcënimin e votuesve në Graçanicë
-
Lista Serbe akuzon për presion politik pas arrestimit të pesë personave në rastin “Reçaku II”
-
Rashiq: Serbët iu nënshtruan presionit e shantazhit nga Lista Serbe