Në Gjilan janë mbyllur shërbimet në Drejtorinë për Gjeodezi, Kadastër e Pronë, si masë parandaluese ndaj përhapjes së COVID-19.
Vendimi është marrë nga kryetari i Gjilanit, Lutfi Haziri.
“Vendimin e kam marrë për të preventuar përhapjen e COVID-19, derisa shërbimet do të rihapen sapo të krijohen kushtet. Kërkoj mirëkuptimin e qytetarëve”, ka thënë Haziri në mbledhjen e rregullt online me Bordin e Drejtorëve.
Në këtë takim është diskutuar edhe për reformën në arsim, përmbylljen e vitit shkollor dhe organizimin e testit të arritshmërisë dhe të maturës që do të mbahen në muajin gusht, sikurse edhe për fillimin e vitit të ri shkollor.
Haziri ka apeluar sërish te qytetarët që të mos dilet në vendet publike pa maska dhe të mbahet distanca fizike.
-
Haziri mban mbledhjen e fundit si kryetar komune
-
Haziri: Gjendja me COVID-19 në Gjilan vazhdon të jetë jashtëzakonisht e rënduar
-
Haziri: Masat e fundit janë selektive e jo bazuar në vlerësim të drejtë
-
Haziri bën thirrje për respektim të masave pas rritjes së rasteve me koronavirus në Gjilan
-
Haziri apel qytetarëve për respektim të masave anti-Covid: Lajmërohuni nëse keni simptoma