Kryetari i LDK-së, Isa Mustafa gjatë ditës ka takuar presidentin e Institutit Kombëtar Demokratik (NDI), Derek Mitchell.
Mustafa falënderoi Mitchellin për përkrahjen e vazhdueshme që i ka dhënë NDI-ja institucioneve kosovare drejt zhvillimit dhe avancimit të vlerave dhe institucioneve demokratike në vend.
“NDI ka përkrahur vazhdimisht organet e LDK-së, veçanërisht Grupin Parlamentar, Forumin e Gruas dhe Forumin e Rinisë”, ka thënë Mustafa, ndërsa shpalosi zhvillimet e fundit në vend dhe qëndrimet e LDK-së rreth sigurisë, korrupsionit, arsimit, shëndetësisë, infrastrukturës dhe investimeve të huaja në Kosovë.
Ambasadori Mitchell falënderoi kryetarin Mustafa për mirëpritjen dhe bashkëpunimin e dy institucioneve tona këto 20 vite, ndërsa tha se ky bashkëpunim pritet të vazhdojë edhe më fuqishëm gjatë viteve në vijim.