Sot ministri i Infrastrukturës, Pal Lekaj në kuadër të mbështetjes që ofron Ministria e Infrastrukturës në fuqizimin e komunave të vendit, ka nënshkruar memorandum bashkëpunimi me kryetarin e komunës së Dragashit, Shaban Shabani, për dy projekte të kësaj komune.
Me anë të këtij memorandumi, Dragashi ka përfituar realizimin e dy projekteve në vlerë prej më shumë se 700 mijë eurosh. Projektet e Dragashit që do të mbështeten nga Ministria e Infrastrukturës janë ai i ndërtimit të rrugës Brezne-Trokan-Brut, ku faza e parë do të kapë vlerën prej 447,528 eurosh, kurse faza e dytë do të ketë një kosto prej 200 mijë eurosh, ndërsa projekti i dytë do të jetë ai i rehabilitimit të rrugës Xërxe-Pkllajnik, po në Dragash dhe kap vlerën prej 100 mijë eurosh.
Lekaj tha se kjo mbështetje për Dragashin dhe të gjitha komunat në nivel vendi, nuk do të mungojë edhe në të ardhmen, ngase kështu hapet perspektivë e re për turizmin e Dragashit, por edhe të komunave e rajoneve tjera, duke i shërbyer kështu konsolidimit të një infrastrukture moderne dhe me standarde në tërë Republikën e Kosovës.
Kryetari Shabani tha se mbetet me shpresë që përkrahja e nivelit qendror do të vazhdojë përgjatë tërë mandatit qeverisës.
-
Skenderaj, Drenasi e Malisheva përfitojnë mjete financiare për projektet lokale
-
Ministri i LDK-së, projektet për komunat e LDK-së
-
Ministria e Infrastrukturës planifikon mbi gjysmë milioni euro në dy projekte në Istog
-
Abrashi paraqiti planin e investimeve në infrastrukturë në Këshillin Ministror të Traktatit të Komunitetit të Transportit
-
Nënshkruhen kontratat e para të projektit “Ndërtimi i rrugëve rajonale të Kosovës”