Prishtinë, 11 mars - Ministri i Infrastrukturës dhe Transportit Pal Lekaj, të hënën ka vazhduar nënshkrimin e marrëveshjeve të bashkëpunimit me komunat për mbështetje të projekteve lokale të tyre. Kësaj radhe marrëveshje bashkëpunimi ministri Lekaj nënshkroi me krerët e komunave të Skenderajt, Drenasit dhe Malishevës.
Komuna e Skenderajt përfiton mjetet financiare në vlerë 1.560.000 euro për këtë vit, për realizimin e tetë projekteve të infrastrukturës lokale; komuna e Drenasit përfiton mbështetje në financim të tri projekteve në vlerë prej 450.000 euro; kurse komuna e Malishevës për vitin 2019 përfiton përkrahje financiare nga MIT-ja për dy projekte në vlerë prej 200.000 euro.
Ministri Lekaj i siguroi kryetarët e komunave nënshkruese se mbështetja që ata po marrin këtë vit është vazhdimësi e mbështetjes nga viti i kaluar, kurse planifikimet buxhetore për këto projekte janë bërë edhe për dy vitet në vijim. Ai kërkoi nga ta angazhim serioz në realizimin e projekteve sepse vetëm kështu mund të përmbushet obligimi i tyre para qytetarëve që ata i drejtojnë.
Krerët komunal të këtyre komunaave u zotuan se këto projekte do të realizohen sipas kritereve më të larta dhe konform afateve të parapara me plane dinamike.
-
MIT-ja përkrah disa projekte lokale të Kaçanikut dhe Ferizajt
-
Ministria e Infrastrukturës ndihmon 3 komunat perëndimore me projekte infrastrukturore
-
Ndahen mbi 700 mijë euro për infrastrukturën e Dragashit
-
12 komuna përfitojnë rreth 8 milionë euro nga granti i performancës komunale
-
20 komuna përfitojnë rreth 1 milion euro për projekte infrastrukturore për komunitete