Ndahen mbi 254 mijë euro për pajisje me tekste mësimore në shkollat fillore në Luginë të Preshevës

Qeveria e Kosovës ka ndarë 254 mijë e 562 euro për pajisje me tekste shkollore në gjuhën shqipe për nxënësit shqiptarë që vijojnë mësimin në shkollat fillore në Preshevë, Medvegjë e Bujanoc.

Në mbledhjen e Qeverisë të mbajtur të mërkurën janë marrë disa vendimi, ndër të tjera është marrë vendim për t’u marrë masat e duhura parandaluese dhe mbrojtëse për ndalimin e pjesëmarrjes së fëmijëve në klubet e natës dhe hapësira të tjera të ngjashme.

Po ashtu në mbledhjen e Qeverisë është vendosur që edhe një pronë e konfiskuar të kalojë në Komunën e Prishtinës në afat prej pesë vjetëve, e të cilën pronë do ta shfrytëzojë një familje shtatëanëtarëshe që është përfituese e skemës sociale e që jeton në kushte të rënda.