Bashkëpunimi rajonal dhe reformat në fushën e sektorit të bujqësisë dhe zhvillimit rural, do të jenë prioritete të Ministrisë së Bujqësisë, Pylltarisë dhe Zhvillimit Rural gjatë këtij viti. Kështu është shprehur ministri i MBPZHR-së, Besian Mustafa në takimin që e zhvilloi sot me Sekretarin e Grupit Punues Drejtues për Zhvillim Rural Rajonal, Boban Iliq.
Me këtë rast, ai ka theksuar se këto prioritete në mandatin e tij do të kontribuojnë në procesin e afrimit të rajonit të Evropës Juglindore me Bashkimin Evropian.
“Mustafa e ka njoftuar Sekretarin Iliq me programet zhvillimore të kësaj ministrie për vitin 2020 dhe në të njëjtën kohë shprehu gatishmërinë që të bashkëpunojë me këtë grup punues me qëllim të avancimit të reformave në bujqësi. Në anën tjetër, Sekretari Iliq, ka theksuar se bashkëpunimi rajonal është tejet i rëndësishëm për të avancuar politikat dhe reformat në sektorin e bujqësisë dhe zhvillimit rural”, thuhet në njoftimin për media.
Sipas njoftimit, SWG është një organizatë ndërkombëtare ndërqeveritare, e cila përbëhet nga institucionet qeveritare, përgjegjëse për bujqësinë dhe zhvillimin rural në vendet e Evropës Juglindore.
-
Ministria e Bujqësisë i konsideron shoqatat e fermerëve si partnerë kryesorë
-
Peci premton politika dhe masa të duhura bujqësore për çdo regjion të vendit
-
Kosova synon E-bujqësinë
-
Apostolova premton mbështetje për sektorin e bujqësisë në Kosovë
-
Mustafa: Do të ketë investime në bujqësi dhe përkrahje të vazhdueshme për fermerët