Deputeti i Vetëvendosjes, Hekuran Murati, e ka quajtur informues takimin që kryetari i Vetëvendosjes, Albin Kurti, dhe ai i LDK-së, Isa Mustafa, patën me ambasadorët e shteteve të QUINT-it. Sipas tij, nuk ka pasur dështim për arritjen e marrëveshjes.
“Sot ishte një takim më tepër informues për shtetet e QUINT-it, apo ambasadorët, me të cilët u shfrytëzua mundësia e informimit në grup për rrjedhjen e diskutimeve që kemi pasur për arritjen e një marrëveshjeje për koalicion. S’ka pas dështim. Ishte takim informativ dhe besoj se do të ketë takime të tjera ditëve në vijim. Ka qenë qëllimi që të mos lihet as hapësira për keqkuptime e as dykuptimësi”, ka thënë ai në Interaktiv të KTV-së.
Murati ka thënë se Vetëvendosje vazhdimisht ka bërë përpjekje me propozime të reja që të afrojë qëndrimet me LDK-në, por ka shtuar se “pa lëvizur dy palët drejt qendrës është e vështirë të arrihet marrëveshja”.
-
Murati: Shpresojmë që të ketë reflektim dhe të konstituohet Kuvendi
-
Murati: Do ta shqyrtojmë ftesën e presidentes për takim
-
Murati për letrën e Kurtit drejtuar Abdixhikut: Jemi të interesuar për marrëveshje politike që zhbllokon situatën
-
Përfundon takimi i Kurtit me ambasadorët e QUINT-it, s’flasin për atë që u diskutua
-
Kurti takohen me ambasadorët e QUINT-it, bisedon për dialogun