Ministri i Financave, Hekuran Murati, ka treguar se ka nënshkruar sot vendimin për operacionalizimin e Masës 1.3, që ka të bëjë me mbështetjen e grave në punësim.
Sipas kësaj mase parashihet subvencionimi i pagës për 50 për qind (maksimum deri 170 euro) për tre muajt e parë për të gjitha gratë që punësohen nga periudha tatimore e korrik 2021 e tutje.
Pas periudhës 3-mujore do të subvencionohen sipas Masës 1.2, me 10 për qind të pagës bruto. Kusht për subvencionim është që e punësuara të mos figurojë në deklaratën e muajit qershor 2021 në ATK.
“Sot kam nënshkruar vendimin për operacionalizmin e Masës 1.3 - për Mbështetjen e Grave në Punësim. Me këtë masë parashihet subvencionimi i pagës për 50% (max 170 euro) për tre muajt e parë për të gjitha gratë që punësohen nga periudha tatimore korrik/2021 e tutje. Kurse pas periudhës 3-mujore, do të subvenciohen sipas Masës 1.2, me 10% të pagës bruto. Kusht është që të punësuarat e reja të mos figurojnë aktive në periudhën tatimore qershor/2021. Aplikimi, njësoj sikurse edhe për Masën 1.2, do të bëhet përmes sistemit EDI të ATK-së”, ka shkruar Murati në Facebook.
-
Rihapet aplikimi për mbështetje të punësimit të grave
-
Bizneset që hapin vende të reja pune për gratë do të mbështeten nga shteti për tre muaj
-
Qeveria prezanton skemën një i punësuar për çdo familje në nevojë
-
Murati: Do të subvencionohen personat që humbën punën gjatë periudhës dhjetor 2019 – shkurt 2020
-
Të punësuarve të rinj do t’u paguhen kontributet pensionale për një vit rresht