Në Mitrovicën e Veriut është vendosur gurthemeli për nisjen e punimeve në ndërtesën ku do të vendoset Administrata Tatimore e Kosovës.
Lajmin e bëri të ditur ministri në detyrë i Financave, Hekuran Murati, i cili në rrjetin social Facebook, shkroi se ky investim po bëhet nga Qeveria e Kosovës.
“Sot Mitrovicën e Veriut vendosëm gurthemelin për nisjen e punimeve në ndërtesën që do të bëhet shtëpia e re e Administratës Tatimore të Kosovës për rajonin e Mitrovicës. Me këtë investim të Qeverisë së Republikës së Kosovës, shërbimet e ATK-së do të jenë më afër tatimpaguesve në çdo cep të vendit gjë që do të ndihmojë edhe procesin e fiskalizimit që tashmë është në zbatim e sipër”, shkroi Murati.