Kryetari i Komunës së Mitrovicës së Veriut, Erden Atiq, njoftoi se janë ndërprerë punët në vendpunishtet që kanë nisur ndërtime pa i përfillur procedurat ligjore.
Ai ka bërë të ditur në Facebook të enjten se ndërprerja e punës u bë në mungesë të dokumentacioneve, derisa në plotësimin e kritereve.
“Drejtoria e Inspekcionit nga komuna e Mitrovicës Veriore ka vizituar vendpunishtet në të cilat kanë filluar ndërtimet e objekteve pa përfillur procedurat ligjore. Në mungesë të dokumentacioneve, janë vendosur shiritat me të cilat ndalohet vazhdimi i punëve deri në plotësimin e kritereve sipas ligjeve të Republikës së Kosovës, ka shkruar Atiq.
Kreu i Mitrovicës së Veriut i ka inkurajuar qytetarët t’i përfillin rekomandimet e institucioneve.
“Inkurajojmë qytetarët, që t'i përfillin rekomandimet e institucioneve dhe për çdo investim të tyre të plotësohen kriteret të cilat parashihen me ligj, në të kundërtën drejtoria e inspekcionit do të veproj konform ligjeve në fuqi”, thuhet tutje në postimin e tij.
-
Aksion kundër ndërtimeve pa leje në veri të Mitrovicës, në shtatë vende ndalohen punimet
-
Nis rrënimi i objekteve pa leje në pronën e “Trepçës” në Mitrovicën e Veriut
-
Kryente punime në objekt të ndaluar në Mitrovicë të Veriut, iniciohet rast ndaj një personi
-
Mbyllen dy lokale gastronomike në veri, bënë shkelje sanitare
-
Largohen grilat që rrethojnë objektin e Komunës në Mitrovicën e Veriut