Ministrja e Mjedisit dhe Planifikimit Hapësinor, Albena Reshitaj, deklaroi se ka prioritet që punët që bëhen në kuadër të kompetencave që i ka Ministria e Mjedisit të arrihen me standardet e Bashkimit Evropian (BE).
“Mbrojtja e shëndetit është sfidë globale, normalisht se në vendet që janë në zhvillim është sfidë më e madhe. Është bërë punë deri më tani, por ka vend që të ndërrohet kjo qasje”, i tha ajo sot RTK-së.
Sipas saj në prioritetet e saj janë shumë projekte, si menaxhimi i mbeturinave, ulja e ndotjes së ajrit, etj.
“Kur jemi tek mjedisi, do të shtojmë hapësirat e gjelbra, do të punojmë që të kemi “policë të gjelbër”, që të kemi në ruajtjen e ambienteve. Kemi pasur kontakte me MBP dhe besojë se do të kemi këtë njësi”, tha ajo.
Reshitaj bëri me dije se ndotja e ajrit është një problem shumë i madh për Kosovën. “Qytetarët e Kosovës duhet të dinë se ne do të bëjmë të pamundurën të ndikojmë që të ulim ndotjen. Do të marrim hapa konkretë”, tha ajo.
Edhe
MMPH: Qeveria e ka prioritet mbrojtjen e mjedisit
Sipas saj një punë po bëhet të ketë vetëdijesim për mbrojtjen e ambientit. “Ka ndotje nga fabrikat e mëdha, makinat, e shumë faktorë të tjerë”, tha Reshitaj .
Ajo tha se kanë qëllim të ulin ndotjen. "Të gjitha makinat nuk do të mund të regjistrohen nëse nuk iu ndërrohet filteri i gazit", tha ajo.
-
Reshitaj merr përkrahje nga Avokati i Popullit për zgjidhjen e problemeve mjedisore
-
Task-forca për përmirësimin e cilësisë së ajrit premton veprime konkrete
-
Reshitaj: Kemi kërkuar polici të gjelbër dhe kontroll të cilësisë së naftës
- Reshitaj kërkon nga kryetarët e komunave më shumë angazhim për gjelbërimin e shtetit