Vetëm një rrugë ligjore ka përpara Ministria e Shëndetësisë në lidhje me një urdhëresë të lëshuar nga Organi Shqyrtues i Prokurimit rreth një tenderi për blerjen e barnave. Të kërkojë nga Gjykata konstatim nëse urdhëresa që e obligon për ta nënshkruar tenderin është e ligjshme ose jo. Por pavarësisht rrjedhës së procesit gjyqësor, Ministria është e obliguar ta nënshkruajë tenderin që vetë e ka anuluar, shkruan sot Koha Ditore.
Para më shumë se dy javësh Organi Shqyrtues i Prokurimit (OSHP) e ka urdhëruar Ministrinë e Shëndetësisë që ta nënshkruajë një tender për produktin Salbutamol, ani pse kjo e fundit e ka anuluar me arsyetimin se çmimi i këtij produkti është më i lartë se çmimi në treg.
Megjithatë, “argumentet”e MSH-së janë cilësuar të pamjaftueshme për OSHP-në. Kësisoj e kanë urdhëruar këtë institucion që të nënshkruajë këtë tender pavarësisht çmimit. Sipas Ligjit të Prokurimit Publik, i cili rregullon këtë segment urdhëresat e OSHP-së janë obligative.
Autoriteti Kontraktues që në këtë rast është Ministria e Shëndetësisë mund ta dërgojë urdhëresën në Gjykatë, por kjo nuk e pezullon zbatimin e urdhëresës.
Pavarësisht çmimit të lartë OSHP-ja konsideron që ky tender është I bazuar në ligj...(Artikullin e plotë mund ta lexoni në numrin e sotëm të Kohës Ditore)
-
Supremja i jep të drejtë Ministrisë ta padisë “gjykatën e tenderëve”
-
“Gjykata e tenderëve” pro barnave pa certifikatë të cilësisë, paditet nga MSH-ja
-
OSHP-ja nuk e ndalon blerjen e barnave me çmim shumëfish më të lartë se ai i tregut
-
Moskonsistenca e Gjykatës Komerciale për çështje të njëjta
-
Komercialja “zhduk” interpretimin ligjor kundër kontratave abuzive