Ministria e Drejtësisë promovon projektligjin që s’ka ku ta miratojë

Ministria e Drejtësisë, në një konferencë për media, ka promovuar projektligjin për themelimin e Gjykatës Komerciale, por që ky projektligj s’mund të miratohet pasi që Kuvendi është i shpërndarë e në prag të zgjedhjeve të reja.

Në momentin kur shpërndahet Kuvendi, të gjitha nismat ligjore u kthehen sponsorizuesve.

Ministri Selim Selimi në prezantimin e këtij projektligji ka thënë se ky është lajm i mirë për qytetarët, e në veçanti për bizneset.

Ai ka shtuar se janë adresuar edhe vërejtjet dhe sugjerimet lidhur më këtë çështje.

Kryesuesi i grupit punues për themelimin e Gjykatës Komerciale, Florian Dushi ka thënë se Gjykata Komerciale, e cila do të trajtojë çështjet komerciale, është një hap shumë i rëndësishëm për sistemin e drejtësisë.