Prishtinë, 23 nëntor – Ministri i Drejtësisë, Abelard Tahiri, ka pritur sot në takim kryetaren e Dhomave të Specializuara të Kosovës, znj. Ekaterina Trendafilova, si dhe Administratoren e Dhomave të Specializuara, znj. Fidelma Donlon, me të cilat ka biseduar për mandatin e këtyre Dhomave dhe bashkëpunimin me institucionet përgjegjëse të Kosovës.
Gjatë takimit, Ministri Tahiri vuri theksin në sigurimin e një procesi të drejtë, transparent dhe në përputhje me normat dhe standardet më të larta të të drejtave të njeriut.
Ministri Tahiri njoftoi palët për hapat e ndërmarrë nga Qeveria e Kosovës për të siguruar mbrojtje juridike dhe asistencë teknike për të gjithë qytetarët e Republikës së Kosovës, që mund të paraqiten para tyre.
Po ashtu, ministri Tahiri potencoi gatishmërinë e institucioneve të Kosovës për të përmbushur obligimet që rrjedhin nga Ligji për Dhomat e Specializuara dhe Zyrën e Prokurorit të Specializuar, i miratuar nga Kuvendi i Republikës së Kosovës.
-
Haxhiu dhe Trendafilova diskutojnë për punën e Dhomave të Specializuara
-
Institucionet e Kosovës premtojnë përmbushje të obligimeve ndaj Dhomave të Specializuara
-
Tahiri shpalos detaje nga takimi që pati me Trendafilovën e Speciales
-
Trendafilova e Donlon në Mitrovicë, inkurajohen viktimat të aplikojnë për pjesëmarrje në procedura
-
Sipas ministrit Tahiri, lufta kundër korrupsionit e krimit të organizuar nga sot ka adresë