Ministri i Drejtësisë, Abelard Tahiri, njoftoi se ka pranuar letrën e nënshkruar nga Presidenti i SHBA-së, Donald Trump, dhe nga sekretari i Shtetit, Mike Pompeo, përmes së cilës konfirmohet hyrja në fuqi e Marrëveshjes së Ekstradimit në mes dy vendeve.
“Kjo marrëveshje shënon një akt historik në marrëdhëniet dypalëshe mes Kosovës dhe SHBA-së dhe është garanci e mëtejme se sundimi i ligjit është i pa alternativë dhe lufta kundër krimit do shkojë deri në fund”, shkroi Tahiri.
Ministri i Drejtësisë shtoi se pesha historike e kësaj marrëveshjeje, me vulën e Presidentit Trump, do të lë gjurmë në historinë e shtet ndërtimit tonë dhe do ta markojë Republikën e Kosovës në rangun e një vendi, në të cilin prijësit e demokracisë liberale dhe sundimit të ligjit kanë besim të plotë.
Ndryshe, tashmë kanë nisur procedurat për ekstradimin e dy shtetasve kosovarë të kërkuar nga drejtësia amerikane.
-
Kosova e SHBA-ja nënshkruajnë Marrëveshjen e Ekstradimit
-
Ambasada amerikane i gëzohet njohjes së Kosovës nga Izraeli
-
Shqipëri-SHBA me marrëveshje të re ekstradimi pas 87 vitesh
-
Trumpi letër Hotit: Do të vazhdojmë ta forcojmë partneritetin tonë
-
Hoti: Marrëveshja nuk cenon integritetin territorial të Kosovës