Ambasada amerikane në Prishtinë i është gëzuar zyrtarizimit të njohjes të Kosovës nga Izraeli gjatë ditës së sotme.
Të hënën, përmes një ceremonie virtuale, ministrja në detyrë e Punëve të Jashtme dhe Diasporës, Meliza Haradinaj-Stublla dhe ministri i Punëve të Jashtme të Izraelit, Gabriel Ashkenazi, kanë nënshkruar dokumentin ku thuhet se të dyja shtetet vendosin marrëdhënie diplomatike, për të rritur bashkëpunimin në shumë fusha. Dy ministritë kanë nënshkruar memorandum edhe për konsultime politike dhe memorandum për bashkëpunim zhvillimor.
Dokumenti është nënshkruar në katër kopje, në gjuhën shqipe, angleze, hebreje dhe serbe.
“Kur partnerët tanë janë të bashkuar, SHBA-ja është më e fortë. Përgëzime Kosovës dhe Izraelit”, thuhet në postimin e Ambasadës amerikane në Prishtinë.
Kjo njohje është produkt i marrëveshjes së sponsorizuar nga ish-presidenti amerikan, Donald Trump, në fillimshtatorin e vitit të kaluar.
-
Zyrtarizohen marrëdhëniet diplomatike mes Kosovës dhe Izraelit
-
SHBA-ja konfirmon përkrahjen për Kosovën në rrugën euroatlantike
-
Vendosen marrëdhëniet diplomatike Kosovë-Izrael
-
Kosova dhe Izraeli lidhin marrëdhënie diplomatike më 1 shkurt
-
‘Bisedë historike’ e ministres së Jashtme të Kosovës me homologun izraelit