Presidenti i Malit të Zi, Jakov Milatoviq, ka thënë se Mali i Zi mbështet dialogun mes Kosovës dhe Serbisë.
Milatoviq në konferencë për media pas samitit të sotëm në Podgoricë të Procesit të Bashkëpunimit të Evropës Juglindore, u pyet për refuzimin që e bëri presidenti i Serbisë, Aleksandar Vuçiq, që Mali i Zi të jetë nikoqir i rundit të radhës së dialogut mes Kosovës e Serbisë.
“Ne mbështesim absolutisht dialogun mes Beogradit dhe Prishtinës dhe shpresojmë për një depërshkallëzim të tensioneve. Qëndrimi i Malit të Zi është i qartë, ne mbështesim dialogun”, ka thënë Milatoviq, raporton “Vijesti”.
Në Samitin në Podgoricë ka marrë pjesë edhe presidentja e Kosovës, Vjosa Osmani.
Artikuj të ngjashëm
-
Milatoviq mbështet dialogun e kërkon shtensionim të situatës në Kosovë
-
Milatoviq: Nuk i ndajmë të njëjtat pikëpamje me Serbinë për çështjen e Kosovës
-
Presidenti malazias kërkon që Kosova e Serbia t’i kthehen dialogut
-
Presidenti i ri i Malit të Zi: S’është reale të pritet çnjohja e Kosovës
-
Vuçiq vazhdon ta vuajë që Mali i Zi e ka pranuar pavarësinë e Kosovës