Mbi 2 milionë euro janë marrë ilegalisht nga Thesari shtetëror i Kosovës. Sipas Policisë, lidhur me rastin është arrestuar një i dyshuar, ndërkaq dy të tjerë gjenden në arrati.
Ndërkaq njoftohet se është kërkuar bllokimi i llogarive pasi që dyshohet se një pjesë e parave janë transferuar jashtë vendit.
“Me 20.10.2020 23:35 pas hetimeve të zhvilluara është arritur të arrestohet një i dyshuar m/k dhe dy të tjerë gjenden në arrati. Të dyshuarit dyshohet se duke keqpërdorur detyrën zyrtare duke përdorur thesarin shtetëror të Republikës së Kosovës kanë transferuar para në vlerë 2.077.995.90 milion euro. Janë bërë bastisje të shtëpive të dyshuarve, nuk është gjetur asgjë vetëm është konfiskuar një veturë pronë e njërit nga të dyshuarit. Me urdhër të prokurorit i dyshuari është dërguar në mbajtje”, thuhet në raportin e Policisë.
Këtë e ka konfirmuar për KOHËN edhe zëdhënësi i Policisë, Daut Hoxha, i cili tha se nuk kanë më shumë detaje lidhur me rastin.
Gjithashtu sot është thirrur konferencë për media nga Ministria e Financa e cila do të mbahet nga ora 15:45.
-
I arrestuari për shpëlarje parash dyshohet se pastroi mbi 2 milionë euro
-
Si u kapën 1 milion euro në kufi?
-
Ndalohet zyrtari publik, dyshohet për keqpërdorim me tenderë në vlerë mbi 8.8 milionë euro
-
Polici maqedonas që “vërshoi” tregun e Kosovës me para false
-
Dy persona arrestohen për “falsifikim parash”, konfiskohen mbi 25 mijë euro