Dy persona janë arrestuar në Prishtinë nën dyshimin për veprën penale “falsifikim parash”, ka njoftuar Policia e Kosovës të mërkurën.
Në rast janë konfiskuar mbi 25 mijë euro, që janë gjetur në veturë.
Sipas njoftimit, të dyshuarit R.P. dhe E.R. janë intervistuar dhe janë dërguar në mbajtje.
“Të dyshuari R.P., (viti i lindjes 1984, mashkull kosovar) dhe E.R., (viti i lindjes 1996, mashkull kosovar), dyshohet se kanë falsifikuar para, respektivisht janë marrë me vënien në qarkullim të parave të falsifikuara apo parave të vjedhura/grabitura nga ndonjë institucion bankar (para me ngjyrë). Te të njëjtit, gjatë kontrollit të veturës me targa vendore, me të cilën udhëtonin, janë gjetur para në vlerë 25.316 (njëzet e pesë mijë e treqind e gjashtëmbëdhjetë) € (të dyshuara si të falsifikuara, apo të vjedhura/grabitura nga ndonjë institucion bankar/financiar, pasi që parat ishin të bëra me ngjyrë), andaj personat e dyshuar janë arrestuar për procedura të mëtejme”, thuhet në njoftim.
-
Dy të arrestuar në Prishtinë për 40 mijë euro të falsifikuara
-
Policia nis hetim për para false që u pranuan nga 1 qershori deri në nëntor
-
Dyshohen për falsifikim të parave, dy shtetas të Shqipërisë arrestohen në Vërmicë
-
Sekuestrohen mijëra euro false në një operacion policor në Prishtinë
-
Identifikohen para të falsifikuara në një bankomat në Prishtinë