Ministri i Ministrisë së Mbrojtjes, Armend Mehaj, ka njoftuar për një takim me shefin e Mbrojtjes së Forcave të Armatosura të Holandës, gjeneral Onno Eichelsheim. Mehaj shkroi në Facebook se një bashkë-zbarkim i mundshëm i trupave përkrahë forcave holandeze është një vlerë e shtuar për paqen e sigurinë globale.
“Gjeneralit Eichelsheim i shpreha falënderimin për bashkëpunimin bilateral të suksesshëm të deritashëm. Bashkë u dakorduam për të shqyrtuar mundësitë për thellimin tij të mëtejmë, veçanërisht për mundësinë e bashkë-zbarkimit të trupave tona në misione ndërkombëtare ku trupat holandeze janë të angazhuara”, shkroi në Facebook.
I pari i Ministrisë së Mbrojtjes ka thënë se gjenerali Eichelsheim premtoi mbështetje në shtimin e ndërveprueshmërisë ndërmjet të dy forcave “duke na përgëzuar për orientimin tonë të fuqishëm drejtë anëtarësimit në NATO”.
-
Mehaj: Kosova e Holanda do të bashkëpunojnë në fushën ushtarake
-
Mehaj ia kërkon mbështetjen Holandës për të hyrë në NATO
-
Kosova e Gambia dakordohen për trajnime të përbashkëta
-
Mehaj dhe Savola flasin për synimet e përbashkëta për anëtarësim në NATO
-
Mehaj takon shefin e NATO-s: Kosova e gatshme të strehojë 5 mijë refugjatë ukrainas