Të premten dhe të shtunën do të mbyllet njëri segment i rrugës “Muharrem Fejza” në Prishtinë.
Drejtoria për Investime Kapitale dhe Menaxhimin e Kontratave në Komunën e Prishtinës ka njoftuar se mbyllja e këtij segmenti do të bëhet për shkak të punimeve.
Segmenti që do të mbyllet është nga kryqëzimi i rrugës “Muharrem Fejza” me rrugën “Ukshin Kovaçica” në drejtim të lagjes Mati. Mbyllja do të jetë nga ora 08:00 deri në ora 18:00.
Gjatë këtyre dy ditëve do të asfaltohet shtresa e parë e këtij segmenti që ka mbetur pa asfaltuar. Sipas premtimit të kryetarit të Prishtinës, Përparim Rama, deri në fillim të muajit maj, në bazë të një plani dinamik, rruga “Muharrrem Fejza”, do të jetë e kompletuar.
Artikuj të ngjashëm