Klinika Emergjente e Qendrës Klinike Universitare të Kosovës, mbetet klinika më e mbingarkuar në tërë sistemin shëndetësor në Kosovës.
Bazuar në raportin 2-javor të kësaj klinike, ka pasur 3,790 raste që kanë marrë trajtim spitalor, në shërbime të ndryshme, reanimim, degët, internistike, kirurgjike, ortopedike, përfshirë edhe aksidentet në trafik, rastet e plagosjeve dhe të tjera.
Po ashtu, për këtë periudhë kohore janë kryer 66 operacione të ndryshme kirurgjike.
Klinika Emergjente ka apeluar tek qytetarët që të mos shkojnë direkt në Emergjencë për çfarëdo rasti.
“Klinika Emergjente apelon tek të gjithë qytetarët e Republikës së Kosovës të respektojnë sistemin e referimit, fillimisht të lajmërohen tek mjeku familjar, e pastaj tek spitali i përgjithshëm më i afërt, kurse në QKUK të drejtohen vetëm në raste emergjente”, thuhet në njoftimin e SHSKUK.
-
Mbi 4 mijë lindje në Gjinekologjinë e QKUK-së gjatë gjashtëmujorit të parë të vitit
-
Mbi 14 mijë pacientë në lista pritjeje në gjithë Kosovën
-
Pacientët presin së paku tri orë për kontroll në ambulancën specialistike të QKUK-së
-
Ndalet rryma në QKUK, jashtë funksionit sistemi elektronik në ambulancat specialistike
-
11 nga 31 të dyshuarit për helmim nga ushqimi në QKUK rezultojnë pozitivë me salmonella