-
Nga:
Jehona Gjinovci
- 28 shkurt 2022 23:14
- Shpërndaje në:
Rreth 150 mijë vetura qarkullojnë në rrugët e Prishtinës çdo ditë.
Gropat dhe dëmtimet e rrugëve janë ato që i përcjellin shoferët në çdo lagje në përfundim të dimrit.
Qytetarët e lodhur nga gjendja e njëjtë çdo vit kërkojnë një zgjidhje të problemit njëherë e mirë.
Ndërmarrja Publike Banesore thotë se edhe këtë vit do të vazhdojnë me mbulimin e gropave nëpër qytet.
Sipas tyre, është shumë i nevojshëm zgjerimi i divizionit për mbulimin e gropave.
Ndërsa, sipas Komunës së Prishtinës këtë vit nuk pritet të ketë ndryshime sa u përket gropave. Viti i ardhshëm do të jetë ai që do të sjellë ndryshime në këtë aspekt përmes një projekti të drejtorit të ri për Investime Kapitale, Krenar Xhaferi.
