Ministri i Mbrojtjes, Ejup Maqedonci, ka njoftuar se buxheti për mbrojtjen e Kosovës për vitin 2027 është planifikuar të jetë 224 milionë e 168 mijë e 705 euro.
Sipas Maqedoncit, ky është buxheti më i lartë në historinë e Ministrisë së Mbrojtjes dhe Forcës së Sigurisë së Kosovës.
“Buxheti për mbrojtjen e Republikës së Kosovës për vitin 2027 është planifikuar të jetë 224,168,705 euro, më i larti në historinë e Ministrisë së Mbrojtjes dhe Ushtrisë së Kosovës”, ka shkruar Maqedonci.
Ai ka deklaruar se përmes këtij buxheti do të vazhdojnë investimet në modernizimin e FSK-së, furnizimin me pajisje dhe sisteme moderne ushtarake, rritjen e kapaciteteve operacionale dhe zhvillimin e infrastrukturës mbrojtëse.
“Më këtë buxhet do të vazhdojnë investimet në modernizimin e Forcës së Sigurisë së Kosovës, furnizimin me pajisje dhe sisteme moderne ushtarake, ngritjen e kapaciteteve operacionale dhe zhvillimin e infrastrukturës mbrojtëse”, ka thënë ministri.
-
Projektbuxheti për vitin 2027, 4.27 miliardë euro
-
Maqedonci: Ligji për industrinë e mbrojtjes synohet të përfundojë vitin e ardhshëm
-
Kosova forcon ushtrinë, helikopterët dhe mbrojtja ajrore në fokus
-
Maqedonci: Kemi ushtri që ia bën të vështirë çdokujt që synon të na kërcënojë
-
Për 2027, buxheti për barna të listës esenciale do të jetë 10 milionë euro më i madh