Anëtarët e Kuvendit të Komunës së Malishevës me shumicë votash kanë miratuar kërkesën e kryetarit, Ragip Begaj, për vazhdimin e heqjes së shpenzimeve të varrimit edhe në vitin 2018. Njëherësh kuvendarët e kësaj komune kanë miratuar edhe raportin e Komisionit për verifikimin e shpenzimeve të varrimit për vitin 2017, që ka konstatuar rregullsi në zbatimin e marrëveshjes midis Komunës dhe Bashkësisë Islame, përkatësisht shpenzimeve për këto shërbime.
“Në këtë mbledhje, KK-ja, ka shqyrtuar raportin e shpenzimeve për mbulimin e shpenzimeve të ceremonive të varrimit. Bazuar në raportin e bërë, gjatë implementimit të kësaj kontrate midis Komunës dhe Bashkësisë Islame, nuk është gjetur asnjë keqpërdorim gjatë implementimit të kontratës dhe janë regjistruar të gjitha shpenzimet e bëra”, thuhet në njoftimin e Zyrës komunale të informimit, shkruan sot Koha Ditore.
Sipas kësaj komunikate, duke e marrë për bazë këtë raport, anëtarët e KK të Malishevës, “autorizuan kryetarin e Komunës, Ragip Begaj, që të vazhdojë ky shërbim për heqjen e shpenzimeve të varrimit”.
(Artikullin e plotë mund ta lexoni në numrin e sotëm të Kohës Ditore)
-
Malisheva do t’i mbulojë shpenzimet për varrime
-
Komuna e Malishevës mbulon shpenzimet e varrimit të qytetarëve të vet
-
Ekzekutivi i Malishevës përtërin ujdinë me BIK-un për shpenzimet mortore
-
Nga sot qytetarëve në Skenderaj komuna ua mbulon shpenzimet e varrimit
-
Shpenzimet e varrimit për qytetarët e Skenderajt, nga sot i mbulon Komuna