Shoqata e Malazezëve të Kosovës ka thënë se angazhimi i pjesëtarëve të Ushtrisë së Malit të Zi në misionin e KFOR-it do të forcojë pozitën e këtij vendi në NATO dhe do të kontribuojë në ruajtjen e paqes në rajon.
Reagimi vjen pas deklarimeve të një deputeti të Frontit Demokratik në Kuvendin e Malit të Zi dhe ministrit serb të Mbrojtjes, Aleksandar Vulin, se vendimi për dërgimin e dy oficerëve të ushtrisë malazeze në Kosovë nuk është korrekt ndaj Serbisë.
“Beogradi zyrtar dhe Prishtina qysh në vitin 2013 shkëmbyen zyrtarët ndërlidhës, e cila është një formë e bashkëpunimit diplomatik, si dhe bashkëpunimi në mes të Ushtrisë së Serbisë dhe KFOR-it vazhdon që nga viti 2001. Në bazë të gjithë kësaj, ne nuk shohim se ushtarët malazezë dhe zyrtarët në misionin e KFOR-it në asnjë mënyrë dëmtojnë askënd, në të kundërtën, ata do të jenë të dobishëm për të gjithë në Kosovë, rajon dhe më gjerë”, thuhet në reagim.
-
Oficerët e Malit të Zi që po e pengojnë Serbinë
-
Në NATO nuk kuptohet pse Serbia është e zemëruar me Malin e Zi
-
Serbia nuk e konsideron veprim miqësor nga Mali i Zi dërgimin e ushtarëve në Kosovë
-
Deri në fund të vitit edhe malazezët pjesë të KFOR-it
-
Vulin kërkon nga Mali i Zi të mos dërgojë oficerë në Kosovë “pa e pyetur Serbinë”