Lluka pranon se Telekomi i dha jashtëligjshëm qasje një kompanie që dëshiron ta privatizojë

Ministri i Zhvillimit Ekonomik, Valdrin Lluka, ka pranuar në raportimin para Komisionit Parlamentar për Zhvillim Ekonomik, se menaxhmenti i Telekomit ka nënshkruar një marrëveshje konfidencialiteti me një nga kompanitë e interesuara për privatizimin e Telekomit, “Artillery One”.

Ai ka thënë se kjo marrëveshje i lejon kompanisë në fjalë qasjen në data-roomin e Telekomit që të ketë qasje në gjithçka që ndërmerr Telekomi, në mënyrë që kur të ofertojnë për privatizim të dinë më mirë se çka do të blejnë, raporton KTV.

Sipas tij, ky është veprim i jashtëligjshëm sepse një proces i tillë, sipas Llukës, s’duhet të ndodhë pa u bë një komision që merret me të gjitha procedurat e privatizimit.

Deklarimi i tij erdhi pas shqetësimeve të ngritura nga deputetët në komision.

Lluka ka konfirmuar se deri tash janë katër kompani të interesuara për privatizimin e Telekomit.

Edhe Arbëri 26 shk 2019 Mjegullohet privatizimi i Telekomit

Sa i përket punësimeve të fundit, ka thënë se ato janë në kontratë mbi vepër.

Sipas Llukës, numri i punëtorëve në Telekom ka arritur në 2500.