(E përditësuar 17:20) - Udhëheqësi i Demokracisë Serbe, Aleksandar Arsenijeviq, është liruar pas arrestimit disa orë më parë në veri të martën.
Arsenijeviqi, sipas videos së publikuar nga “Medija centar”, shihet duke mbajtur grushtin lart teksa del nga stacioni policor.
Ai u arrestua pasi pengoi vizitën e kryeministrit Albin Kurti në komunat veriore.
Arrestohet politikani Arsenijeviq, fishkëllente kundër vizitës së Kurtit
(14:55) - Udhëheqësi i Demokracisë Serbe, Aleksandar Arsenijeviq, është arrestuar të martën në veri. Siç ka thënë Petrit Fejza nga Policia e Kosovës në veri, Arsenijeviqi dhe një person tjetër janë arrestuar për prishje të rendit dhe qetësisë publike.
Mësohet se Arsenijeviq ka protestuar kundër vizitës së kryeministrit Albin Kurti. Gjatë kësaj kohe, Kurti po qëndronte në një restorant në fillim të sheshit në Mitrovicën e Veriut, i shoqëruar nga ministrat Xhelal Sveçla e Elbert Krasniqi.
Siç ka shkruar mediumi lokal “kossev”, në qendër të qytetit ka forca të shtuara të Policisë së Kosovës.
