Sot, ministri i Infrastrukturës Pal Lekaj, u takua me rektorin e universitetit “Hasan Prishtina”, Marjan Dema, me të cilin biseduan për mundësitë e bashkëpunimit mes Ministrisë së Infrastrukturës dhe Universitetit “Hasan Prishtina”, lidhur me krijimin e hapësirës për praktikë të studentëve të profileve të ndryshme në këtë ministri.
“Ministri Lekaj ka shprehur gatishmërinë e Ministrisë së Infrastrukturës që të ofrojë kushte për praktikë për studentë të profileve të ndryshme në këtë ministri, gjithmonë duke u mbështetur në ligjet në fuqi dhe në mundësitë që i ka ministria”, thuhet në njoftimin për media të MI-së.
Sipas njoftimit, rektori Dema, gjatë këtij takimi e ka njoftuar ministrin Lekaj, me reformat që po ndodhin në universitetin “Hasan Prishtina” si dhe sfidat me të cilat po përballet ky universitet në rrugëtimin e tij.
Lekaj e Dema, u dakorduan që bashkëpunimi mes Ministrisë së Infrastrukturës dhe universitetit të vazhdojë edhe në të ardhmen, në mënyrë që të dy këto institucione të krijojnë kushte dhe infrastrukturë sa më të favorshme për studentët tanë.
-
Lekaj i ofron mbështetje UP-së, do bashkëpunim në disa fusha
-
E domosdoshme lidhja e procesit të edukimit me nevojat e ekonomisë
-
Zotime për bashkëpunim ndërmjet MASHT-it e UP- së
-
Hoti thotë se Qeveria do të përkushtohet në zhvillimin e arsimit në vend
-
UP-ja organizon tryezën “Angazhimi i studentëve në projekte të qyteteve në zhvillim”