Lidhja Demokratike e Kosovës, Dega në Gjilan, ka paralajmëruar Kuvend të jashtëzakonshëm zgjedhor brenda 90 ditëve.
Nëpërmjet një komunikate, LDK-ja në Gjilan shkruan se të shtunën kanë mbajtur takim me strukturat e partisë, përfshirë Kryesinë, kryetarët e nëndegëve dhe struktura të tjera, derisa kryetari aktual i Gjilanit, Lutfi Haziri, ka falënderuar për angazhimin.
“Kryetari Haziri ka falënderuar strukturat e Degës për angazhimin e jashtëzakonshëm, duke e bërë rikthimin e madh të LDK-së si parti e parë në Kuvendin Komunal. Me këtë rast, kryetari Lutfi Haziri ka falënderuar të gjithë qytetarët për besimin e madh ndaj tij dhe LDK-së në zgjedhjet e 17 tetorit dhe ato të 14 nëntorit”, thuhet në komunikate.
Lidhja Demokratike e Kosovës, me kandidatin Lutfi Haziri, në balotazhin zgjedhor të 14 nëntorit, ka pësuar humbje nga kandidati i LVV-së, Alban Hyseni. Ky i fundit mori 21.800 vota apo 51,10 për qind, derisa Haziri 20.865 vota apo 48.9 për qind.
-
LDK-ja në Gjilan vendos ta votojë buxhetin
-
Sot mbahet seanca e Kuvendit Komunal të Gjilanit për të zgjedhur kryesuesin
-
Lutfi Haziri e pranon humbjen në Gjilan
-
Hyseni: Kemi mposhtur njërën prej figurave më të njohura të LDK-së
-
Kandidati i LDK-së për kryetar të Gjilanit vendoset në konventën e degëve të këtij qyteti