Zyrtarët e lartë të LDK-së, të prirë nga kryetari Isa Mustafa, kanë zgjedhur që për ditëlindjen e 73-të të Ibrahim Rugovës, nderimet t’ia bëjnë te shtatorja e tij.
Pasi ka vendosur një buqetë lulesh, për ish-presidentin Rugova, Mustafa tha se mbetet figura qendrore që ka vendosur themelet e shtetndërtimit të Kosovës, raporton KTV.
Por, kryeministri aktual, Ramush Haradinaj, ka zgjedhur një tjetër vend për të respektuar personalitetin e Rugovës.
Ai fillimisht ka qëndruar te varri i ish-presidentit Rugova.
E pas kësaj, Haradinaj është nisur në rezidencën e familjes Rugova në lagjen “Velania” të kryeqytetit.
Edhe
Ibrahim Rugova do të mbushte sot 73 vjet
Bashkë me anëtarë të partisë së tij, kryeministri Haradinaj është pritur nga familja Rugova, të cilëve u ka folur për respektin e tij ndaj figurës së ish-presidentit.
Ish-presidenti Rugova, i lindur më 2 dhjetor të vitit 1944, vdiq më 21 janar të vitit 2006 pas një sëmundjeje të rëndë.
-
Në përvjetorin e vdekjes, ringjallet debati për trashëgiminë politike të Rugovës
-
Haradinaj te varri i Rugovës: Do të jemi gjithmonë mirënjohës për kontributin e tij
-
Haradinaj: Kosovën e presin sfida të mëdha, por angazhimi i Rugovës jeton gjithnjë
-
Haradinaj bën homazhe tek varri i Rugovës, thotë se nuk është fushatë