Kryeministri Albin Kurti është takuar të enjten me ambasadorin e Mbretërisë së Bashkuar në Kosovë, Nicholas Abbott.
Në komunikatën e Zyrës së Kryeministrisë thuhet se Kurti e Abbott diskutuan për marrëdhëniet bilateriale, zhvillimet në vend dhe për vizitën e kryeministrit muajin e kaluar në Londër.
“Pas takimit që më 26 qershor Kryeministri i Republikës së Kosovës, Albin Kurti, zhvilloi me Sekretarin për Punë të Jashtme të Mbretërisë së Bashkuar, James Cleverly në Londër, sot priti në takim Ambasadorin e Mbretërisë së Bashkuar, Nicholas Abbott. Marrëdhëniet bilaterale, vizita në Londër dhe takimi mes Kryeministrit Kurti dhe Sekretarit Cleverly, si dhe zhvillimet në vend ishin pjesë e diskutimit në këtë takim”, thuhet në komunikatën e ZKM-së.