Kurti, sot pritet të takojë krerët e pesë sindikatave

Kryeministri i Kosovës, Albin Kurti, pritet t’i takojë sot, në orën 10:00 përfaqësuesit e 5 sindikatave, asaj të Arsimit, Shëndetësisë, Policisë, Zjarrfikësve dhe Doganës.

Këtë e kanë konfirmuar për "Kohën" burime brenda këtyre sindikatave.

Në këtë takim pritet të diskutohet për kërkesën e tyre që në Ligjin për Buxhetin të parashihen mjetet për Ligjin e Pagave, i cili ndodhet në Kushtetuese.

Ligji i pagave është i pezulluar nga Kushtetuesja deri më 30 mars.

Të hënën, këto sindikata i kanë drejtuar letër Kurtit, ku kanë kërkuar takim urgjent me të rreth Ligjit të Pagave.