Kryeministri i Kosovës, Albin Kurti, ka takuar të dërguarin special të Gjermanisë për Ballkanin Perëndimor, Manuel Sarrazin, për të diskutuar mbi sulmin e armatosur serb në veri të Kosovës.
Sipas Zyrës së Kryeministrit, Kurti ka deklaruar se hetimet faktojnë përfshirjen e drejtpërdrejtë të institucioneve shtetërore të Serbisë në këtë akt agresioni, derisa ka bërë thirrje që Serbia të ndëshkohet ndërkombëtarisht.
“Kryeministri Kurti theksoi që dëshmitë e mbledhura përgjatë hetimeve të realizuara pas sulmit kriminal dhe terrorist, faktojnë e dëshmojnë përfshirjen e drejtpërdrejtë të institucioneve shtetërore të Serbisë në këtë akt agresioni ndaj Republikës së Kosovës, për të cilin Serbia duhet të sanksionohet e ndëshkohet ndërkombëtarisht. Pas dështimit të sulmit të armatosur me formacionet para-ushtarake të udhëhequra nga Milan Radoiçiq, marshimi dhe vendosja e trupave ushtarake serbe përgjatë kufirit me Kosovën ishte hapi i radhës i institucioneve të Serbisë për të kërcënuar integritetin territorial të vendit tonë dhe mbështetur një agresion të mundshëm ushtarak kundër Republikës së Kosovës”, thuhet në komunikatën e Zyrës së Kryeministrit.
Kurti e ka falënderuar Sarraznin për vizitën dhe për angazhimin e tij në këtë çështje.
-
Kurti takohet me Sarrazinin, bisedojnë për marrëveshjet në kuadër të Procesit të Berlinit
-
Kurti takon Sarrazinin: Kosova e përkushtuar për fqinjësi të mirë
-
Kurti kërkon sanksionimin e Serbisë: Kosova nuk mund të mbetet peng i saj
-
Sarrazin në Kosovë, e cilëson kriminal e terrorist sulmin ndaj Policisë së Kosovës
-
Nis takimi Kurti-Sarrazin