Kryetari i Lëvizjes Vetëvendosje, njëherësh kandidat për kryeministër, Albin Kurti po qëndron për vizitë në Romë të Italisë.
“Qëndrimin njëditor në Romë, e fillova me takimin në Parlamentin italian ku u prita në një dëgjim nga kryetarët e komisioneve parlamentare të Punëve të Jashtme dhe atij të Mbrojtjes, znj. Marta Grande dhe z. Gianluca Rizzo. Në këtë dëgjim ishin të pranishëm edhe 15 deputetë të tjerë të këtyre dy komisioneve e nga parti të ndryshme”.
Ai në Facebook bën me dije se prezantimin atje e ka përqendruar në programin qeverisës.
“Më pas pyetjet e tyre ishin të shumta e për tema të ndryshme: investimet nga mërgata, të drejtat e pakicave, rëndësia e KFOR-it, lidhja me Shqipërinë, dialogu me Serbinë, krimet e luftës, korrupsioni i paqes etj”.
“Në fund, i ftova përfaqësuesit italianë që ta vizitojnë Kosovën në vitin e ardhshëm dhe u pajtuam që në legjislaturën e shtatë ta avansojmë grupin e miqësisë Kosovë-Itali”, shkruan ai.
-
Kurti shkon në Romë pas vizitave në Britani e Irlandë
-
Kurti: Diaspora ka kontribuar në ekonomi, por s’e ka pasur vëmendjen e institucioneve
-
Kryetari i LVV-së takoi ministrin e Mbrojtjes të Italisë, e njoftoi për prioritetet e qeverisë në ardhje
-
Kurti në Armeni, merr pjesë në Samitin e Komunitetit Politik Evropian
-
Kurti në Bruksel