Kurti: Na duhen mbi 61 deputetë sepse nuk do të bëjmë koalicion me askënd

Kandidati për kryeministër, Albin Kurti dhe kandidatja për presidente, Vjosa Osmani kanë mbajtur tubim elektoral në komunën e Shtimes.

Kurti ka bërë thirrje që me 14 shkurt, të gjithë të dalin në zgjedhje, pasi sipas tij, ju duhen më shumë se 61 deputetë.

Ai ka thënë se nuk do të bëjnë koalicione.

“Nuk do të qeverisim për të sunduar e as për t’u pasuruar. Edhe Osmani edhe unë do të mbetemi klasë e mesme. Për t’u pasuruar është biznesi”, ka thënë ai.

Kurti është zotuar se Osmani si presidente e ai vet si kryeministër, nuk do të zmbrapset para asnjë krimineli.

“Do t’i ndihmojmë ndërmarrësit tonë, do t’i ndihmojmë fermerët. Ne nuk do të lejojmë që të shitet aq lirë qumështi, do të ketë çmime dysheme për produktet bazë”, ka thënë ai.

Edhe Arbëri 9 shk 2021 Kronika zgjedhore / Kurti: Nuk do të bëjmë koalicione pas zgjedhjeve

Ai ka thënë se do të lëshohen 4 mijë apartamente me çmime të përballueshme për çiftet e reja.

Thirrje për të dalë në zgjedhje ka bërë edhe kandidatja për presidente, Vjosa Osmani.