Kandidati për kryeministër, Albin Kurti, ka thënë se viti që u la pas ishte i rëndë me shumë sfida e ngjarje, duke theksuar gjendjen me pandeminë.
Ai ka thënë se sondazhet i tregojnë ata fitimtarë, porse thotë se nuk duhet të vetknaqen e të mos angazhohen në fushatë.
Kurti ka thënë se ju duhen 60 deputetë e të mos e lejojnë planin e atyre që shkaktojnë krizë.
“Kemi bërë një rrugë të vështirë deri këtu por të drejtë. Kemi paguar kosto sepse nuk jemi dashur të bëjmë kompromis përballë politikës së vjetër e të korruptuarve. Qytetarë ju kanë mashtruar aq shpesh sa nuk ju besoni më programeve politike. E kur e kujtojmë qeverisjen tonë që nisi një vit me parë, jam me besimin e plotë që do t’i realizojmë qëllimet tona sepse bashkë gjithçka është e mundshme. Bashkë do t’i referojmë spitalet e klinikat publike, do ta rrisim buxhetin për shëndetësinë dhe do të ketë nevojë më pak të shkojmë e të shërohemi jashtë vendit”, ka thënë ai.
Kurti tutje ka folur edhe për programin për arsim.
Edhe
Kurti synon 60% në zgjedhjet e 7 qershorit
“Me qendër multifunksionale të sporteve, do t’i fuqizojmë shkollat e sportit. Forca nuk na duhet pa mendje, as mendja pa forcë. Për mendjen e trurin jemi në një situatë jo të mirë si shtet. Sistemi ynë arsimor lë aq shumë për të dëshiruar. Tani kemi mundësinë që ta kthejmë dijen në shkolla, ta kthejmë dinjitetin e arsimtarit. Do të investojmë te edukimi i hershëm i fëmijëve, në mënyrë që gara të jetë për dije e për notë. Arsimi do të digjitalizohet e shkolla të modernizohet”, ka thënë ai.
