Anëtari i KQZ-së nga Lëvizja Vetëvendosje, Sami Kurteshi, ka thënë se deri tash nuk ka ndonjë incident, por sipas tij, ka dalje shumë të ulët në votim.
Ai ka thënë se dalja e ulët e qytetarëve në votim ka konotacion politik dhe jo teknik apo administrativ.
Sipas tij, janë çështjet e statistikave që shpërfaqin synimet politike.
Ka deklaruar se dalja e ulët tregon thyerje të Listës Serbe në veri.
“Ne do ta shohim sa votues mund të jenë deri kur mbyllen qendrat e votimit. Nëse dalin më pak votues se numri i zgjedhësve në vitin 2021, atëherë i bie që legjitimiteti i kryetarëve aktual është krejt në rregull. Mundësitë i kanë që të shprehin vullnetin e tyre politik, por ne nuk e dimë se cilat janë arsyet për mosdalje”, ka thënë ai.
Edhe
Kurteshi: Serbët e veriut qëllimisht kanë shkuar të organizuar për votim për të shkaktuar probleme
Kurteshi ka thënë se në aspektin statistikor ka ardhur një moment i thyerjes që ka karakter politik.
Sipas tij, në zgjedhjet e vitit 2021 ka pasur kërcënime e shantazhe, por sipas tij, kjo më nuk është e mundur.
Ai ka thënë se tash është kontrolli më i madh i KQZ-së në vendvotimet në veri.
Kurteshi ka deklaruar se nga shteti i Kosovës nuk ka shantazh e frikësim.
“Ata mund të tregojnë me këtë veprim që nuk janë të interesuar për zgjedhje të reja, e as për largim të kryetarëve aktualë që pastaj të vjen në pushtet Lista Serbe. Lista Serbe ka humbur shumë terren. Lista Serbe e ka vërejtur se qytetarët serbë e kanë humbur besimin ndaj tyre. Unë kam pritur që do të ketë numër më të madh të votuesve. Në Zveçan ka zero votues dhe ky është sinjal shumë i keq për Listën Serbe”, ka thënë ai.
Edhe
Kurteshi: Lista Serbe është strofull i terrorizmit, KQZ-ja viktimë e saj
Kurteshi ka thënë se Lista Serbe është organizatë terroriste.
Sipas tij, KQZ-ja nuk ka të drejtë ta çregjistrojë.
Ka deklaruar se “Prokuroria që hesht, fatkeqësisht kanë lidhjet e tyre edhe Listën Serbe, disa prej prokurorëve”.
“Prokuroria e ka për obligim që çdo vepër penale ta ndjek sipas detyrës zyrtare. Një aktakuzë për faktet objektive ngritët brenda ditës. Milan Radojçiqi e ka pranuar sulmin ndaj Kosovës, por nuk ka aktakuzë ndaj tij. Unë pres nga një prokuror që ta ndjekë terrorizimin”, ka thënë ai.
Edhe
Kurteshi: Për keqardhje, kërcënimi i serbëve nga Qeveria e Serbisë
