Të hënën është dita e fundit kur Ministria e Shëndetësisë, në bashkëpunim me komunat e Kosovës, duhet të dalë me masa të reja për mbrojtje nga koronavirusi.
Kjo për shkak se më 13 prill hyn në fuqi vendimi i Gjykatës Kushtetuese, i cili e ka vlerësuar në kundërshtim me Kushtetutën e ligjet në fuqi vendimin e Qeverisë për kufizim të lëvizjes, raporton KOHA.
Në Ministrinë e Shëndetësisë pa dhënë detaje për masat që po shqyrtohen, janë konfirmuar se janë duke punuar dhe janë në komunikim të vazhdueshëm me kryetarët e komunave për këtë.
Për të vendosur bashkërisht për masat pas 13 prillit, pritet që të ketë edhe një takim ndërmjet kryetarëve të komunave.
Takime të tilla tashmë ka nisur kryetari i Prishtinës, Shpend Ahmeti, i cili ka thënë se është takuar me disa kryetarë të komunave.
Për masat e reja, kryeministri në detyrë, Albin Kurti, tha se do të merren bazuar në gjendjen e komunave veç e veç.
Edhe
MSH-ja sot diskuton me kryetarët e komunave për masat e reja anti-COVID
Gjykata Kushtetuese, bazuar në kërkesën e presidentit Hashim Thaçi vendosi që Qeveria jashtëligjshëm kufizoi lëvizjen e qytetarëve si masë parandaluese për përhapjen e COVID-19.
Por, vendimi u la të hyjë në fuqi më 13 prill, e deri atëherë qytetarët mund të lëvizin nga ora 6 e mëngjesit deri në orën 17.
-
Qeveria miraton vendimin për masat e reja, nesër hyn në fuqi
-
Kurti: Nga sot Ministria e Shëndetësisë do të marrë vendimet lidhur me situatën me koronavirus
-
Vazhdon kufizimi i lëvizjes në të gjitha komunat me orar të njëjtë edhe pas 13 prillit
-
MSh-ja do të kufizojë lëvizjen e qytetarëve deri në amendamentimin e ligjeve