Ashtu siç kishin paralajmëruar, mësimdhënësit nuk i kanë mbajtur 2 orët e para të mësimit, raporton KTV.
Ashpërsimi i Grevës, sipas përfaqësuesve të Sindikatës së Bashkuar të Arsimit, është si rezultat i anashkalimit të mësimdhënësve nga shteti.
Por, 2 orë mësimi nuk mbajtën as 5 universitetet publike, përveç Universitetit të Gjilanit e Gjakovës, që nuk janë pjesë e Sindikatës. Grevë nuk u mbajt as në shkollën fillore “Ismail Qemali” në kryeqytet, sepse po ashtu mësimdhënësit nuk janë pjesë e Sindikatës së Arsimit.
Zëvendësdrejtori i shkollës tha se janë pro kërkesave të mësimdhënësve, por nuk është forma e duhur për t’i realizuar qëllimet.
Gjatë ditës, është zhvilluar një takim ndërmjet kryeministrit të vendit, Ramush Haradinaj, dhe zyrtarëve të SBASHK-ut mirëpo përveç pamjeve, mediat nuk u lejuan brenda.
Në një njoftim e zyrës për informim, thuhet se për Hardinajn kërkesa për njohjen e statusit të mësimdhënësve të viteve ’90 është e drejtë.
Edhe
Mësimdhënësit kërkojnë mbrojtje nga nxënësit
“Qeveria këtë e sheh si obligim moral që duhet përfunduar e jo si formë presioni. Mirëpo kjo çështje kërkon kohë”, thuhet në njoftimin e zyrës për media të kryeministrit Haradinaj.
Në anën tjetër nga zyra e SBASHK-ut, thuhet se kryeministri Hardinaj ka shprehur gatishmërinë të marrë pjesë të shtunën në Kongresin e SBASHK-ut dhe t’u drejtohet vetë kongresistëve.
