Krejt çfarë ndodhi në Kuvend rreth Buxhetit 2018

Koalicioni qeverisës është gjendur të mërkurën sërish në krizë për sigurim të votave, raporton KTV.

Pas dy ditë diskutimesh të gjata për Projektligjin e Buxhetit të vitit të ardhshëm i shtyri gati të gjithë deputetët që të marrin fjalën e në shumë raste duke përsëritur fjalimet e njëri-tjetrin.

Kur u hodh në votim, opozita që ishte kundër nuk mori fare pjesë në votim, por kjo nuk e zgjodhi problemin, pasi koalicioni nuk i kishte votat. Nga 60 deputetë të koalicionit që votuan dy herë, pro votuan 58, një kundër dhe një abstenoi.

Kjo shtyri koalicionin që të heq dorë nga një përpjekje e radhës.

Ankesa të shumta vazhduan të bëhen për ulje të përkrahjes materiale për një numër të madh projektesh, që sipas deputetëve me paratë e ndara nuk do të mund të përfundohet asgjë.

Edhe pse në mëngjes, në mbledhje të qeverisë, kreu i saj u kërkoi të gjithë ministrave që të marrin pjesë në seancat e Kuvendit, këtë gjë nuk e bëri vetë, Haradinaj, i cili u paraqit në kuvend shumë orë pasi kishte nisur seanca. Dy nga deputetët e opozitës u ankuan për mënyrën e përgatitjes së këtij buxheti dhe që sipas tyre nuk po sjellë asnjë të mirë për ekonominë e vendit e aq më pak për ushtrinë.

Por, nuk munguan kritika as nga deputetët e koalicionit qeverisës. Për të gjitha këto akuza iu përgjigj, ministri i Financave, Bedri Hamza.

Ai ka premtuar se do të marrë masa që të gjitha vërejtjet e dhëna.

Ankesa nuk munguan as nga deputetët e komuniteteve jo serbe, të cilat u ankuan se sërish janë shkelur edhe me këtë buxhet, siç ka ndodh edhe në vitet e kaluara.