Vasfije Krasniqi-Goodman, e mbijetuar e dhunës seksuale në luftë, ka deklaruar se që nga 2018-a kur kishte folur publikisht për të kaluarën e saj, shqiptarët i dëgjojnë më lehtësisht viktimat e dhunës seksuale.
Ajo ka thënë në “Konfrontin” e KTV-së të enjten se gjërat po përmirësohen në pranimin e viktimave të dhunës seksuale gjatë luftës, por siç ka deklaruar, të dhunuarit ende kanë sfida.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Jemi mësuar të presim. 14 prillin e kam përjetuar çdo ditë. Tash është lehtësim që shteti po na njeh si viktima dhe po shkojnë gjërat duke u bërë mirë. Shqiptarët janë më të gatshëm t’i dëgjojnë viktimat e dhunës seksuale. Nga 2018-a ka pasur reagime më ndryshe nga secili shqiptar”, ka thënë ajo.
Sipas Krasniqi-Goodman, ka pasur shumë familje që s’e kanë ditur që kanë familjarë që janë dhunuar gjatë luftës. Ajo ka thënë se me rrëfimet që i dëgjon çdo ditë nga të dhunuarit, herë ndihet më e fortë e herë dërrmohet.
“E kam jetën në Amerikë, e ato që kanë mbetur e s’e kanë guximin vuajnë ende...Koha nuk i shëron plagët e zemrës dhe të shpirtit. Plagët fizike po, ama plagët e shpirtit nuk shërohen derisa s’ka drejtësi”, ka shtuar ajo.
Me propozim të presidentes Vjosa Osmani, 14 prilli është caktuar si Dita e të Mbijetuarve të Dhunës seksuale gjatë luftës në Kosovë. Osmani ka thënë se ky vendim do t'i kontribuojë memories kolektive.