Komisioni Qendror i Zgjedhjeve deri sot në ora 14:00 ka pranuar 381 pako të supozuara me fletëvotime nga jashtë Kosovës për raundin e dytë të Zgjedhjeve për Kryetar të Komunës së Dragashit.
Zëdhënësi i KQZ-së, Valmir Elezi, kujtoi për KosovaPress se sonte në mesnatë përfundon afati për pranimin e këtyre fletëvotimeve.
“Sonte në mesnatë do të përfundojë afati 15 ditor për pranimin e fletëvotimeve nga jashtë Kosovës për raundin e dytë të Zgjedhjeve për Kryetar të Komunës së Dragashit. Deri të hënën, në orën 14:00, KQZ ka pranuar 381 pako të supozuara me fletëvotime. Pas procesit të vlerësimit të të gjitha fletëvotimeve që do të pranohen, gjatë ditës së martë, KQZ-ja do të bëjë numërimin e tyre në prezencë të vëzhguesve dhe të mediave”, tha Elezi.
Të drejtën për të votuar përmes postës për këtë raund zgjedhjes e kanë vetëm 1,090 votuesit jashtë Kosovës të komunës së Dragashit, të cilët janë regjistruar si votues jashtë Kosovës gjatë periudhës 10 korrik – 18 gusht 2021.
-
KQZ-ja ka pranuar 332 pako me fletëvotime nga jashtë për Dragashin
-
KQZ-ja pranon 137 pako të supozuara me fletëvotime për Dragashin
-
KQZ-ja ka pranuar vetëm 99 pako të supozuara me fletëvotime për Dragashin deri tash
-
Nga 23 mijë pako të verifikuara të diasporës, aprovohen 22,601 e refuzohen 755
-
Mbi 7 mijë pako me fletëvotime nga diaspora janë aprovuar, 142 janë refuzuar