Operator Sistemi, Transmisioni dhe Tregu (KOSTT) ka thënë se do të rrezikohet siguria e furnizimit me energji elektrike dhe do të ketë kthim të reduktimeve, në rast se në vend kthehen tarifat e lira të energjisë.
Të enjten, Gjykata e Apelit vërtetoi masën e pezullimit ndaj vendimit të Zyrës së Rregullatorit të Energjisë për vënien e tarifave të reja, më të shtrenjta, të energjisë elektrike. Të menjëhershme kanë qenë kërkesat e partive opozitare që qytetarëve t’u kthehen mjetet që kanë shpenzuar në kuadër të tarifave të reja.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMegjithatë, sipas KOSTT-it, një kthim i tarifave të mëhershme do të kishte pasoja për Kosovën.
Shtrenjtimin e energjisë, KOSTT-i e ka ndërlidhur me krizën botërore, shtrenjtimin e madh të energjisë dhe rritjen e kërkesës për import. Ka thënë se si pasojë e mosmbulimit të kostove, më herët ka pasur devijime të theksuara ndaj sistemit evropian elektroenergjetik.
KOSTT-i ka thënë se nëse nuk ndërmerren masa të shpejta për të adresuar çështjen e kostove do të ketë rrezikim të furnizimit me energji elektrike dhe do të kthehen reduktimet e energjisë.
“KOSTT ngre zërin për pamundësinë e mbulimit të kostove të shkaktuara dhe atyre që pritet të ndodhin në qoftë se nuk ndërmerren masa të shpejta për të adresuar çështjen e kostove të sektorit qoftë përmes rritjes se tarifave apo subvencionimit. Nëse nuk ndodhin këto veprime atëherë do të rrezikohet siguria e furnizimit me energji elektrike në vend, do të aplikohet masa për reduktimin e konsumit si dhe rrezikohet seriozisht Marrëveshja e Kyçjes KOSTT/ENTSO-E”, thuhet në reagim. “Kërkesat që tarifa e energjisë të kthehet në vlerën e mëhershme e rrezikon sigurinë e operimit të sistemit, dëmton Marrëveshjen e Kyçjes KOSTT/ENTSO-E, marrëveshjet e tjera me institucionet ndërkombëtare si dhe arritjet e KOSTT në pavarësimin e operimit të Sistemit Elektroenergjetik të Kosovës. Rritja e çmimit të energjisë elektrike është pasojë e krizës globale të energjisë dhe ka prekur të gjitha vendet Evropiane, prandaj është i domosdoshëm reflektimi i kësaj kosto-je në të hyra shtesë”.