Ministrja e Ekonomisë, Artane Rizvanolli ka kërkuar përkrahje financiare për Kosovën në takimin e ministrave të Energjisë të Ballkanit Perëndimor në kuadër të Procesit të Berlinit.
Përmes një komunikate për media, të martën, bëhet e ditur se gjatë takimit, Rizvanolli ka ngritur çështjet e nevojat kritike për Kosovën për t’u përballur me krizën energjetike evropiane.
“Përballja me këtë krizë ka rëndësi përtej mbrojtjes së klimës e ambientit, e është çështje e sigurisë. Prandaj, hapat që duhet ndërmarrim për t’u përballur me këtë krizë shtrihen përtej kufijve”, ka thënë ajo.
Për të minimizuar ndikimin e krizës evropiane te qytetarët e Kosovës, Rizvanolli ka ritheksuar nevojën për fonde domethënëse nga Gjermania e Bashkimi Evropian, si dhe ka kërkuar mbështetje e kontribut direkt në zgjerim të masave për efiçiencë të energjisë në sektorin e banimit, ngrohje qendrore, si dhe kapacitete të reja gjeneruese të burimeve të ripërtëritshme.
-
Rizvanolli: Shpresoj që masat e BE-së për energji të na përfshijnë ne e të kenë efekte pozitive
-
Kosova i kërkon Serbisë që ta zbatojë obligimin për tregtinë ndërkufitare të energjisë
-
Kosova merr Presidencën e Këshillit të Ministrave të Komunitetit të Energjisë
-
Rizvanolli: Mafia energjetike mund të ekzistojë në Beograd, por Kosova s’ka lidhje me të
-
Rizvanolli: Serbia nuk po i zbaton marrëveshjet e arritura në Procesin e Berlinit