“Kosova e të zhgënjyerve”, është tema e javës këtë të diel në numrin special të “Kohës Ditore”.
Sipas Raportit vjetor të Progresit për Kosovën, shkalla e papunësisë në mesin e të rinjve është 57.7%, derisa Kosova vazhdon të krenohet me rininë e papunë. Aktivizimi i rinisë, si alternativa e vetme, është shkrimi tjetër për temën e javës.
Për rininë që s’kanë mundësi ndikimi në çështjet e rëndësishme për ta, mund të lexoni më gjerësisht në intervistë. Rubrika ‘Reportazh’ sjellë një rrëfim interesant për serbët kosovarë që e ëndërrojnë Perëndimin dhe që e shohin Perëndimin si shpëtim për një jetë më të mirë.
Nxënës në shkolla, mësues në shtëpi dhe shteti me sensin e errët të humorit, janë shkrimet që mbushin faqet e ‘Botës’.
Në rubrikën 7 shkronjat, rrëfen drejtori ekzekutiv dhe themeluesi i “Anibar-it”, Vullnet Sanaja. Nga libri “Shqipëria shteti jetim i Evropës”, vjen shkrimi sllavët, fëmijë të llastuar të një Evrope Histerike. Heroi i puseve të Surkishit, është shkrimi në ‘Kosovarçe’.