Kosnett për emërimin e Shalës: Deputetët dëshmuan se nepotizmin e duan para të drejtave të qytetarëve

Pas reagimit të ashpër të Ambasadës Britanike në Kosovë në lidhje me emërimin e Naser Shalës në postin e drejtorit të Sekretariatit të të Agjencisë Kosovare të Krahasimit dhe Verifikimit të Pronës, njëjtë ka vepruar edhe Ambasada e SHBA-së.

Ambasadori amerikan në Prishtinë, Philip Kosnett, përmes një postimi në Twitter tha se është “i zhgënjyer” me dështimin e Kuvendit për të emëruar kuadro profesionale në udhëheqjen e Agjencisë për Krahasimin dhe Verifikimin e Pronës.

“Deputetët kanë dëshmuar se vlerësojnë më shumë nepotizmin sesa të drejtat pronësore të qytetarëve të Kosovës”, tha Kosnett.

Agree with @UKinKosovo. Deeply disappointed in #Kosovo Assembly’s refusal to appoint professional leadership to the Kosovo Property Comparison & Verification Agency. MPs demonstrated they value cronyism more than the property rights of Kosovo citizens. https://t.co/i6BTXHKjc2

— Ambassador Philip S. Kosnett (@USAmbKosovo) March 6, 2019

Agjencia Kosovare të Krahasimit dhe Verifikimit të Pronës është agjenci e pavarur e themeluar nga Kuvendi i Kosovës, që ka për mandat të pranojë, krahasojë dhe përmes Komisionit për Verifikim dhe Vendosje për Prona (KPCVA) të zgjidhë dallimet dhe mospajtueshmëritë në mes të dokumenteve të cilat i ka marrë Kosova nga autoritetet serbe dhe të dokumenteve kadastrale aktuale në Republikën e Kosovës, për pronën private, atë komerciale dhe pronën private të bashkësive fetare.