Dy muaj kanë kaluar nga vendosja e stendave të librit në sheshet e kryeqytetit, por që atëherë ato kanë qëndruar të zbrazëta.
Librashitësit vazhdojnë të kryejnë punën në kushte të vështira, pranë atyre që ishin menduar të jenë shtëpi për librat e tyre, raporton emisioni 038 i KTV-së.
E, nën qiellin e hapur, do të vazhdojnë të shesin edhe për një kohë, pasi Komuna e Prishtinës ende nuk e ka hapur konkursin për dhënien e stendave në shfrytëzim.
Në komunë përsërisin se “konkursi do të hapet së shpejti”, madje thonë se ky projekt është shumë i rëndësishëm për ta.
Teksa bëjnë apel që konkursi të mos zvarritet, librashitësit e sheshit thonë se janë lodhur nga pritja.
Madje, stendat e zbrazëta pranë tavolinave të tyre, kanë filluar të dëmtohen.
Edhe
Librashitësit ambulantë në kryeqytet dy muaj në pritje të konkursit për kioskat
Të padrejtë zvarritjen e procesit e vlerësojnë edhe qytetarët.
Për stendat e luleve, të cilat u patën vendosur pas atyre të librit, tashmë janë shpallur përfituesit nga konkursi për dhënien e tyre në shfrytëzim.
I tërë projekti - për librat e lulet, është bashkëfinancim i Komunës së Prishtinës dhe DEMOS-it zviceran, dhe ka kushtuar 91 mijë euro.
