Komuna e Prizrenit fillon me testet serologjike për COVID-19

Komuna e Prizrenit nga e hëna ka filluar kryerjen e testeve serologjike për COVID-19 në shëndetësinë primare.

“Qytetarët e komunës së Prizrenit tanimë do të mund të bëjnë teste serologjike për COVID-19, në laboratorin e Qendrës së Mjekësisë Familjare 1”, ka njoftuar kryetari i komunës, Mytaher Haskuka.

Haskuka në Facebook ka njoftuar më tej se për realizimin e këtyre testeve, laboratori për analiza të gjakut në QMF 1, është kthyer në laborator vetëm për analiza për COVID-19”.

Qytetarët do të duhet të paraqiten për realizimin e këtyre testeve duke marrë udhëzimin e mjekëve të shëndetësisë primare.

Nëse Kosova hyn në valën e dytë të pandemisë, Haskuka thotë se komuna e Prizrenit “është gati për t’u përballur me të”.

{gallery}